Bólkavitjanir og ferðaløg

Bólkar og ferðaløg eru sera vælkomin á Listasavn Føroya. Vit viðmæla, at størri bólkar boða Listasavninum frá áðrenn vitjanina, eisini hóast tit ikki bóka eina rundvísing. So seta vit tíð av til at taka ímóti tykkum, og vit kunnu eitt nú hava nýbryggjað kaffi til reiðar at bjóða bólkinum. Hava tit serlig ynski, eru tit vælkomin til at seta tykkum í samband við okkum.

Til ber eisini at bóka eina vitjan uttan fyri upplatingartíð.

Vit geva bólkaavsláttur til bólkar á 12 fólk ella fleiri (vaksin). Børn og ung undir 20 hava altíð ókeypis atgongd.

Vinaliga boða frá tykkara vitjan á info@art.fo og viðmerkið umleið, hvussu nógv tit eru. Vit gleða okkum at síggja tykkum.