Tíðarskeiðið 1. mai - 31. oktobur
Mánadag - sunnudag kl. 11 - 17
(1. hósdag í mánaðinum er opið kl. 11 - 20)
Tíðarskeiðið 1. novembur - 30. apríl
Mánadag, hósdag til sunnudag kl. 11 - 16.
Týsdag og mikudag er stongt.
Steinar
Í hesum partinum kanst tú uppliva ymisk verk, ið hava grót sum myndevni. Grót í ymsum líki: tøvt og bleytt grót úr føroyskari ull, málningar av og við gróti í landslagnum, og tær eyðkendu svartflekkutu grótrúgvurnar við Kirkjubøreyn. Hevur tú lagt til merkis, at føroyska grótið ofta hevur nógvar litblettir í bæði gulum, grønum, bláum og svørtum litbrigdum? Føroysku søgurnar, sagnirnar og mýturnar eru eisini fyltar við frásagnum um trøll, kellingar, huldufólk og lív teirra í náttúruni. Best man vera at spyrja steinarnar, áðrenn tú setur teg á teir, um nú onkur skuldi búð í teimum.