| |
Jóna Rasmussen – Serframsýning - Framsýning í Listaskálanum
Tíðarskeið: 5. februar 2011 - 13. mars 2011
Jóna Rasmussen
Jóna Rasmussen (f. 1946) er ein fjølbroytt listakvinna. Hon málar og granskar alskyns grafiska tøkni. At tað, ið Jóna Rasmussen letur úr hondum, er latið í nógvar ólíkar listabúnar, ber boð um eina listakvinnu, sum ikki hevur hug altíð at standa í sama staði, men verður nú sum fyrr drivin av forvitni og ævintýrhugi. Verkini eru mangan arbeidd sum røðir av slíkum myndum, har broytingar sipa til ringrørslur, og reikandi formar teirra menna seg alsamt. Komnir aftur til upprunan eru teir vorðnir øðrvísi. Eins og menniskjað í samfelagnum broytist gjøgnum upplivingar, samstundis sum at lívið endurtekur seg í dagar, ár, ættarlið og tíðarskeið. Tað ekspressiva í verkunum rennur saman við ein fínligan sans fyri tí einfalda og nærum minimalistiska. Myndevnini verða skorin inn á bein, samstundis sum hon varðar um tað sansaliga og ábendandi. Júst samspælið millum teir ætlandi pólarnar gevur eina huglagsmettaða uppliving. Jóna Rasmussen hevur frá fyrstantíð havt eina serstaka myndsøgn og verið eitt av listafólkunum, sum settu fyridømi í føroyskari list.
C.V. - Curriculum Vitae hjá Jónu Rasmussen sæst her >>.
Vinaliga
Listasavn Føroya
Jóna Rasmussen - Exhibition in The Faroe Islands Art Museum
Duration: from 5th February 2011 - 13th March 2011
Jóna Rasmussen
Jóna Rasmussen (b. 1946) is a versatile artist. She paints and explores numerous printing techniques. Her works are 'clothed' in divergent visual languages bearing witness of an artist who does not like to stand still. She is driven by curiosity and the call of adventure. Throughout her production we find series of similar pictures, yet with differences that indicate a cyclical movement - every time a form return to first base it has changed. This is an allegory over what it means to be an individual in society; we are affected by our experiences at the same time as life repeats itself in days, years, generations and eras. In Rasmussen's works, expressivity fuses with a refined sense of simplicity verging on minimalism. The motifs are pared to the bone simultaneously as they preserve what can be sensed and perceived. It is the interaction between these apparently antithetical poles that creates the evocative experience. Jóna Rasmussen, since the beginning of her artistic practice, has cultivated a unique expression and helped initiate a paradigm shift in Faroese art.
Jóna Rasmussen's CV can be found here >>.
Regards
The Faroe Islands Art Museum
 
|
